og svo smá kvenrembuþankagangur sem ég átti í geymslunni.....

A thought for ALL the women out there:

MENtal illness

MENstrual cramps

MENtal breakdown

MENopause

Ever notice how all of women's problems start with men?

 

Bilað net og bronkitis-sveppafílingur hjá minni

Loksins er netið hér í lagi!!! Ætlaði nú aldeilis að redda þessum slaka bloggárangri með því að fara á netkaffi en þar voru grísku stafirnir að flækjast fyrir mér - hefði nú samt getað verið ágætt fyrir ykkur að reyna að pára ykkur fram úr því (hí, hí hí) 

Allavega er nú Nannslan mín farinn og Siggi kominn og eru þau bæði sammála um að þetta sé enn betri staður en Tyrkland þó hlutirnir séu dýrari hér Maður losnar alveg við áreyti frá sölumönnum og Nanna slapp alveg við klíp í rassinn. Hér var frekar sagt hljóðlega við hana "beutiful lady" Veit ekki hvað er sagt við Sigga, hann hefur ekki látið það uppi!!! 

Í dag var mér skipað að vera innandyra því ég er búin að vera geltandi óviljug í nokkra daga. Fyrsta daginn sem ég átti að slappa af og allir voru á Santorini, datt mér í hug að þvo bílinn, ég meina hann var allur í fuglaskít og ryki   Næsta dag fór ég aðeins á ströndina og síðan út að borða með vinum mínum. Þær voru öskuillar yfir því að ég passaði mig ekki betur og sendu Botanakis læknir á mig daginn eftir og skipuðu mér að vera heimafyrir. Viti menn - var ekki mín kominn með bronkitis og sett á fúkkalyf og púst  Ég var nú búin að taka öll töframeðulin hans pabba; Tiffy frá Thailandi og Lemsip frá Írlandi en það náði víst ekki þessum andks....  Míns bað reyndar læknirinn að skrifa líka út sveppadrápulyf því fúkkalyf hafa þau töfrandi áhrif á mig að þau breyta mér í svepp frá toppi til táar... svo nú er bara að sjá hvort ég verði aftur hún Dagbjört ógeltandi eða komi heim til Íslands sem sveppur 

Smá rembugrín fyrir ykkur karlmennina sem telja sig vini mína og fjölskyldu

Hversu marga karlmenn þarf til að opna bjórdós?  Engann, bjórinn á að vera opinn þegar hún kemur með hann.

Af hverju reynir maður ekki við konuna  fyrir framan sig í biðröðinni á féló? Kona sem er í biðröð á féló, getur aldrei haldið þér uppi 

Af hverju hafa konur nettari fætur en karlmenn?  Þetta er eitt af grunnatriðum þróunarinnar, sem gerir það að verkum að þær geta staðið nær eldhúsvaskinum.

 

Hvernig veistu hvenær kona er að fara að segja eitthvað gáfulegt?   Hún byrjar setninguna á "Vitur maður sagði eitt sinn við mig..."

 

Hvernig gerir þú við kvenmannsúr?    Þú gerir ekki við kvenmannsúr, það er klukka á eldavélinni

 

Af hverju prumpa karlmenn frekar en konur?   Konur geta ekki þagað nógu lengi til að byggja upp nægilegan þrýsting.

 

Hvað kallarðu konu sem hefur misst 95% af gáfum sínum?  Fráskilda!

 

Róni gekk upp að konu á Laugaveginum og sagði: "Ég hef ekki borðað í fjóra daga!" Konan horfði á hann og sagði: "Ég vildi að ég hefði þennan viljastyrk!"

 

Karlmaður auglýsti í einkamáladálkinum: "Kona óskast".  Daginn eftir fékk hann tugi bréfa, sem öllu voru á sama veg:  "Þú getur fengið mína"

 

Besta leiðin til að muna alltaf eftir afmælisdegi konunnar; er að gleyma honum einu sinni

 

Í upphafi skapaði Guð heiminn og hvíldist.

Þá skapaði Guð manninn og hvíldist.

Þá skapaði Guð konuna.

Síðan þá hefur hvorki Guð eða maðurinn getað hvílst.

 

Handboltaþyrstir íslendingar í útlöndum, Nannslan í kafi og afmæliskveðja (compressed skilaboð, eða þannig)

Allir hér í útlöndunum að velta því fyrir sér hvar sé hægt að sjá handboltann á morgunn svo míns tók það að sér að fara á stúfana og leita að pöbb sem sýnir þessi ósköp  

Fyrst var að finna út hvaða stöðvar sýna okkar litla land – og það gekk nú ekki svo auðveldlega. Eftir að hafa hringt í alla á Íslandi sem vettlingi geta valdið og vita eitthvað um þetta málefni komst míns að því að nrk2+ sýnir okkar leik. Æ þeim þykir nú vænt um litla bróður sinn norsurunum 

Næst á dagskrá var að finna stað sem er með þessa stöð og það var nú ekki eins auðvellt og óskað var eftir Míns rölti um allt svæðið – og viti menn, hún fann pöbb sem er með þessa fjarrænu sjónvarpsstöð og gerði díl við eigandann um að fylla staðin af spenntum íslendingum ef hann bara setti leikinn á.

En núna er klukkan orðin svo margt að ekki er hægt að láta fólkið vita af þessu fyrr en á morgunn - því allir eru örugglega sofnaðir nema hún Dagbjört Þetta eru margir staðir á mjög dreifðu svæði sem þeir íslensku halda til svo líklega fer hálfur dagurinn á morgunn í það að láta vita hvar hægt er að horfa á herligheten. Hvað gerir maður ekki fyrir ættjarðarástina – og svo er það bara ÁFRAM ÍSLAND!!!

 

Annars fór hún Nannsla mín að kafa í dag – og þá meina ég alvöru kafa, ekki svona snorkldæmi. Hún var með kút á bakinu og allt það. Fór niður 8 metra að litlum bát, gaf fiskunum að borða úr hendinni sinni og skoðaði ígulker. Ég held ég prufi þetta líka (seinna þegar ég hef tíma)

 

Og elsku litlu strumparnir mínir með englanöfnin verða 3ja ára þann 24. ágúst. Talaði við þá í símann í dag og spurði hvað ég ætti nú að kaupa – en þeir halda að ég sé enn í flugvélinni, því þeir fá alltaf pakka frá öllum sem eru í flugvélum. Jú ég á að kaupa Batman mótorhjól og Batman nærbuxur, rauðar (auðvitað í Liverpool lit) því þeir eru hættir með bleiur

Til hamingju með það fjölskylda og auðvitað fær hún elsku frænkan mín með sitt fallega nafn Sóley Lúsía, pakka líka þegar flugvélin mín lendir loksins þann 10. september

Nannslan gefur ráð.....

 Hún Nannsla litla kom í heimsókn til mín og er það alveg meiriháttar nice að hafa litlu prinsessuna sína hérna  Við fórum saman í eyjarferð í rokna hita og þrátt fyrir ungann aldur virðist hún hafa traustvekjandi útgeyslun því einn eldri náungi sem var að rölta með okkur fór að rabba við hana.

Hann tjáði henni að hann væri búin að vera með niðurgang undanfarið og hvort hún vissi einhver ráð við því (akkúrat það sem átján ára dama vill heyra)  Hún hlustaði á hann og sagði síðan að hann yrði að fá sér yougurt á fastandi maga á hverjum degi (eins og hann afi segir alltaf) og svo væri gott að fá sér acidophilus töflur til að hafa bakteríuflóruna í maganum góða (eins og hún mamma segir). Maðurinn var mjög þakklátur fyrir þessi góðu ráð en var alltaf að spyrja annarslagið - hvað sagðir þú að þetta héti aftur sem losar mann við niðurganginn....

Eineltishluti rannsóknarinnar minnar er í plaggatformi á Grand Hótel

Er komin svo langt frá öllum ritgerðarskrifum að ég gleymdi að segja ykkur mín elskulega fjölskylda og vinir að það hangir uppi plaggat (80x120) með niðurstöðum um einelti og vinnuskipulag úr rannsóninni minni á vinnuverndarráðstefnu á Grand Hótel sem er frá mánudegi (þ.e. í gær) og fram á miðvikudag. Ég fékk líka frjálsar hendur með hönnun á stykkinu og fór á algjört egoflipp  

Nudduð af grískum Arnold Zwartzeneger

Nú er dagur þrjú eftir gljúfragönguna miklu og göngulagið lítið betra er hjá fjarstýrðu vélmenni. Hvað gerir mín þá? Jú hún sá auglýst nudd á hótelinu, einhver sem kemur á herbergið. YES!!! Akkúrat sem ég þurfti – því ekki gat ég gengið um og leitað eftir einhverri götu með skrítnu nafni. Svo míns hringdi og pantaði tíma. Nuddarinn gat komið klukkan 18.00 og passaði það fínt því þá var ég búin að öllu stússi. Ég henti mér í sturtu svo ég myndi ekki kæfa greyið og beið svo hin rólegasta

 

Mér var litið út um gluggann og sá þar broddaklipptan grískan Arnold Zwartzeneger koma röltandi með nuddbekk undir hendinni. Bíddu var þetta nuddarinn!!!  Jú mikið rétt – það var bankað á dyrnar og fyrir utan stóð þessi risi brosandi og sagði með grískum Arnold´s hreim „massasj“ Ég brosti til baka hálf frosnu hræðslubrosi og nikkaði kolli. Náunginn færði stofuborðið með einni hendi á meðan hann skellti nuddbekknum upp með hinni og sagði mér síðan að leggjast á magann. Þetta var sko alvöru nuddbekkur með gati fyrir hausinn og það var mjög spes að sjá niður um þetta gat. Venjulega þegar ég fer í nudd þá sér maður litlar og penar fætur sem tilheyra nuddaranum, yfirleitt í sandölum. Þarna blöstu við mér svartir afaskór sem voru örugglega a.m.k. skóstærð 47 allavega leit þetta út allavega eins og tveir fiðlukassar.

 

Svo byrjaði þessi stóri maður að nudda bakið á mér rosalega laust. Ég hugsaði „bíddu, hann kann ekki að nudda, bara eitthvað kattarstrok“ Hann fór að segja mér að hann væri að fara til Noregs en hann hefði farið þangað tvisvar áður. Fyrst átti hann sko kærustu í Stavanger og síðan í Álasundi en honum langaði rosalega að heimsækja Ísland.

Allir mínir vöðvar stífnuðu við þessa frásögn, bíddu – kærustur og lönd – einhver tenging fór á stað og hugsanir mínar fóru á 75 snúningar hraða. Ég var alveg að fara að segja honum frá honum Sigga mínum sem væri nú ofboðslega stór og sterkur maður svona íslenskur víkingur sem elskaði sína konu  og allt það, en þá sagði risinn að núna ætti hann gríska kærustu og ætlaði að fara með hana til Noregs því hann elskaði landið. Kannski færi hann til Íslands á næsta ári. Sjúkkkkk hvað mér létti. Smátt og smátt herti hann nuddtökin og ég fann virkilega fyrir því að ég var aum í skrokknum. Þetta kostaði mig 40 evrur og núna fíla ég mig svo lipra að ég get næstum því farið flikk flakk og heljarstökk (einmitt Dagbjört, like that would happen).

 

Ég held ég hringi aftur í þennan nuddara næst, allavega á meðan hann á þessa grísku kærustu því hún tilheyrir þessu ári og þau eru á leiðinni til Noregs í október og á meðan erum við íslenskar konur alveg hólpnar því hann ætlar ekki þangað fyrr en á næsta ári

Dramatísk gljúfraganga, samt ekki nema 16km.

Haldið þið ekki að míns hafi gengið 16 km gljúfur í gær  Mest allt niður í móti og hitt upp í móti í sveigjum og beygjum. Ég fattaði það allt í einu þegar ég hóf gönguna að ég er lofthræddari en andskotinn – hafði nú ekki hugsað um það þegar ég vissi að ég átti að ganga „niður“ en uppgötvaði það snarlega þegar ég sá ofan í gljúfrið sem var rosalega djúpt   Oft var mér hugsað um ljóðið hans Steins Steinars öfugsnúið „Klífa kletta.... hrasa, detta... ó guð og allt það.“ og þess á milli sagði ég við sjálfan mig 08.08.08 er góður dagur til að deyja á, verður flott á steininum – en þá fékk ég mér Powerade orkudrykk og snarlagaðist og smellti stuðlögum á Ipod´inn minn  og strunsaði áfram.

 

Um miðbik ferðarinnar stoppaði ég á einu sjúkrastöðinni sem er á þessari göngu og hitti þar konu sem ég kannast við. Henni var farið að svima var flökurt og leið mjög illa. Hún hafði fengið töflur og var að lagast og ákvað að halda áfram og var ég í samfloti með henni. Við fengum þær upplýsingar að ef hún versnaði aftur þá væri kæmi maður og asni framhjá á hverjum klukkutíma sem tækju sig af alvarlegum atvikum. Við strunsuðum áfram og 20 mín. seinna kom asni og maður en allt var í lagi hjá okkur svo hann var ekki stoppaður. Nokkru seinna fór konunni aftur að líða illa, settist niður og ætlaði að bíða eftir næsta farartæki. Viti menn, auðvitað kom enginn – og enginn kom restina af ferðinni og við sem áttum 8km göngu eftir. Hún átti eina pillu eftir og smellti henni í sig og fauk á stað en síðan tók það enda. Eina sem við gátum gert var að slæpast áfram á milli vatnsbóla og rennbleyta okkur, súpa vatn í rólegheitunum og reyna að halda áfram.

 

Við áttum að ná bát til baka og var sá tími að renna frá okkur en einnig var þar fólk sem beið eftir okkur og viti menn, miðarnir voru í okkar fórum. Ég fékk þá snilldar hugmynd að reyna að hlaupa á undan til að finna einhver mann með asna en ég fann bara mannlausan asna sem var tjóðraður við tré. Ekki var nokkurt símasamband svo við vorum í slæmum málum. Ég herti hlaupin, en míns hefur undanfarin 2 ár verið sitjandi við tölvu svo hlauphæfileikar í grýttu fjalllendi eru ekki þar sem hæfileikarnir eru – rann til í steinunum og tognaði lauslega í baki. Ekkert alvarlegt, en allavega þannig að ekki var hægt að ganga niður gljúfrið á venjulegan hátt svo ég varð að ganga svona „hliðar saman hliðar“ svona eins og hann Heiðar Ástvalds. kenndi á sínum tíma. Svo þarna vorum við báðar lemstraðar og eina aðstoðin sem fannst, asninn og maðurinn, voru hvergi að sjá. Við drusluðum okkur áfram og sáum fram á að gista við fjallsrætur, eða í gljúfrinu en héldum áfram í þeirri von að við kæmumst kannski á matsölustað sem við áttum að hitta hina og var einhverstaðar langt, langt í burtu.

 

Að lokum komum við að einhverskonar miðstöð þar sem við sáum fólk (eftir 15,5km) þar sem hægt var að hringja fyrir okkur á matsölustaðinn og komu þeir að ná í okkur á opnum pallbíl (held að það hafi verið geitur þar á undan okkur) en þá var klukkan 17.00 og báturinn átti að fara 17.15. Það var síðan seinkun á bátnum en við komumst heim á leið um síðir.

Núna daginn eftir eru stóru tærnar mínar þokkalega fjólubláar eftir að renna sífellt fram í fínu fjallaskóna og reyndar þær litlu líka og nögl á annarri litlu er laus. Þetta hliðar saman hliðar labb var ekki alveg að gera sig og er ég með harðsperrur í vöðvum sem ég vissi ekki að væru til. Spýtubrúðan Gosi er með fínlegra göngulag og hreyfingar en ég. Dagsetningin 08.08.08. átti ekki að vera minn dauðadagi, heldur var það dagurinn þar sem ég upplifði dramatískt ævintýri og lifði það af með glans. Fyrst ég gat það þá get ég allt!!!!

Löppin á honum Skrekk endurfæddist á mér!!!

Skellti í mig tveimur öllurum í gærkvöldi í góðra vina hóp og viti menn!  Ég hefði alveg eins getað hellt þessum andskota (sorry) beint niður í vinstri ristina á mér því hún blés upp eins og plasthanski og tærnar 5 stóðu upp úr eins og þeim hefði verið stungið niður í blómapott á pinna Fóturinn á mér var eins og á honum Skrekk (græna karlinum í  samnefndri teiknimynd) nema minn vinstri fótur var ekki grænn Hann var röndóttur – hvítur og sólbrúnn á köflum eftir sandalabönd. Sko þetta væri í lagi ef ég gæti stungið löngu röri í löppina og endurnýtt bjórinn aftur og aftur, en það stendur víst ekki til boða. Daginn eftir vakna ég með nokkuð eðlilegan fót en ég er viss um að það er einhver sem kann þessa endurvinnslu á öllaranum sem safnast hafði fyrir í mínum vinstri fæti, einhver sem er ósýnilegur, ekki frá þessum heimi og nýtir sér slíkar veigar á meðan við sofum svefni hinna saklausu

Sól sól skín á mig, ský ský HVAR ERTU!

Míns á breytó og kominn í sólina . 1 1/2 líter af vökva rennur af skrokknum fjórða hvern tíma og þá aðalega úr andlitinu. Eins gott að drekka eitthvað af vatni svo maður verði ekki eins og þurkaður indjánahaus (með hári) eftir daginn  Annars er þetta bara yndislegt því golan hjálpar, en ekki væri nú verra að hafa eitt og eitt ský á stangli svona annars lagið . Svona eru sumir - aldrei ánægðir, alltaf að finna að....