Alþingismenn fastir inn í einangraðri glerkúlu

Það mætti halda að alþingismenn okkar, allavega flestir, séu innilokaðir í glerkúlu sem er mjög vel einangruð fyrir því sem er að ske fyrir utan. Þeir eru í sínu eigin sandkassastríði til að reyna að vina hylli fólksins með því að sýna okkur hvað óvinir þerra eru slæmir og þeir sjálfir góðir. Það eru breyttir tímar gott fólk – við viljum þetta ekki lengur!!! 

Sigurður Kári, stuttbuxnastrákurinn sem komst reyndar aftur inn í glerkúluna því konu var fórnað fyrir strákaflokkinn, gasprar hátt um laun seðlabankastjóra. Þetta kallast pólitík í dag - maður reynir að kasta sandi í óvíni sína og láta alla sjá hvað maður nær að meiða þá illa. En þá má maður líka búast við að fá til baka á kjaftinn því Jóhanna sló hann í hausinn með plastskóflu og sagði öllum frá þeim styrkjum sem óvinur hennar hann Sigurður Kári þáði frá útrásavíkingum. Já og hennar flokkur fórnaði líka konu út af styrkjamálum.

 

HALLÓ af hverju haldið þið að Besti flokkurinn hafi fengið svona mikið fylgi í Reykjavík. Gæti það verið af því að fólk er orðið svo yfirmáta leitt á því að það sé verið að eyða dýrmætum tíma á Alþingi, tíma sem hægt væri að nota mun betur í þágu almennings. Tíma sem gæti farið í að finna betri lausnir fyrir heimilin og fyrirtækin í landinu. Nei eyðum frekar tímanum í sandkassaþras sem ætti að eiga sér stað á allt öðrum vettvangi en þarna.

 

Það er fullt af fólki sem er að gefast upp svo endilega reynið að stíga niður úr glerkúlunni ykkar og fara út á meðal fólks og upplifa og finna hvernig landið liggur. Ekki svona heimsóknir eins og "rétt fyrir kosningar" heldur alvöru umræður með opin augun. Það voru við „fólkið“ sem völdum ykkur þarna inn. Sýnið okkur þá virðingu að hætta svona skítkastaþrasi og notið tíma ykkar í að byggja upp landið að nýju, ekki bara bankana og eigið umhverfi. Ef ekki gæti endað með því að Langbesti flokkurinn tæki af ykkur völdin í næsta skipti.

Vænd um spillingu og lygar

Athugasemdir

[Guðmundur Pétursson, 7.6.2010 kl. 23:08]

Siggi Kári er rakki sem geltir þegar honum er sigað.  Hann gelti líka þegar Davíð Oddson réð sjálfan sig sem seðlabankastjóra.  Hann gelti líka heilmikið þegar Davíð skipaði son sinn, Þorstein, sem héraðsdómara.  Þá gelti hann til þess að verja spilllinguna og lögbrotin. Núna er búið að siga honum til þess að gelta á Jóhönnu.  Það gelt mun ekki þagna fyrr en húsbóndi hans segir honum að þegja.