Verkefnaþreyta í náminu

Þreytt og þrútin nemi

þjösnast tölvu á

verkefni á sveimi

vætti mína ég kalla á

Heilinn eins og þeytivinda

útbrunninn og grár

Dauðar heilasellur synda

út um krullað hár

Hvernig á ein kona

að klára þetta allt

Þetta á ekki að vera svona

kuldalegt og kalt

Um sumarið það verður búið 

og aftur lífið mitt á ný

Heilatetur ei lengur lúið

yndislegt að fara í frí